Heilbrigðiseftirlit Austurlands (HAUST) hefur nú gripið til dagsekta á fyrirtækið Mógli ehf á Eskifirði, en fyrirtækið hefur ekki brugðist við ítrekuðum kröfum HAUST um tafarlausa hreinsun á olíumenguðum jarðvegi á tveimur lóðum.
Í lok júlí var þess krafis að Mógli ehf myndi umsvifalaust hreinsa talsvert olíumengaðan jarðveg á lóðum að Strandgötu 59 og 61 á Eskifirði. Þess var aukreitis krafist að báðir húsageymar staðanna yrðu fjarlægðir strax og þeim fargað. Fyrirtækið fékk viku til að bregðast við kröfunni.
Samkvæmt Austurfrétt hundsaði fyrirtækið fyrirmælin algjörlega en á næsta fundi HAUST sem haldinn var í byrjun september var ákveðið að veita fyrirtækinu viðbótarfrest til 13. september, þrátt fyrir að í fyrstu hafi verið krafsti tafarlausrar hreinsunar. Sá frestur leið án þess að eigendur Mógli sýndu áhuga á að bæta úr ráði sínu.
Þann 17. október síðastliðinn var því ákveðið á fundi HAUST, að leggja á fyrirtækið dagsektir frá og með deginum í dag. Er fyrirtækinu gert að greiða 20. þúsund krónur á degi hverjum þar til farið hafa fram úrbætur.