Heimastjórn Djúpavogs heldur loksins íbúafund

Loksins heldur heimastjórn Djúpavogs íbúafund í bænum næstkomandi mánudag en hafa þónokkrir krafist slíks fundar, allt frá því að sameining í Múlaþingi raungerðist.

Samkvæmt frétt Austurfréttar mun sveitastjóri Múlaþings, Björn Ingimarsson, opna fundinn en hefst hann stundvíslega klukkan 18 og verður hann haldinn í veitingasal Hótel Framtíðar.

Meðal þess sem tekið verður til á fundinum er framkvæmdaáætlun næsta sumars, staða skipulagsmála í bænum og þá verða allar framkvæmdir af hálfu HEF vegna nýrrar fráveitu kynntar. Aukreitis mun heimastjórnin sjálf fara yfir helstu mál sem á þeirra borði eru.