Iðunn Dísa Jóhannesdóttir hlaut hvatningastyrk þann 12. maí, á degi Alþjóðlegum degi hjúkrunarfræðinga. Styrkurinn er að upphæð 500.000 krónur en hann er veittur árlega til framúrskarandi hjúkrunarfræðinga sem hafa haft áhrif á þróun hjúkrunar eða heilbrigðisþjónusta á Íslandi.
Fréttavefurinn Tígull birti frétt um málið í dag. Þar kemur fram að styrknum sé ætlað að styðja hjúkrunarfræðinga til að afla sér frekari þekkingar er nýtist þeim til að þróa enn frekar sín verkefni sem tengjast hjúkrun og þeir eru í forsvari fyrir eða leiða, eins og það er orðað í fréttinni. Einstaklingar hljóta hvatningarstyrkinn en ekki verkefni eða rannsóknir sem sem eru fjármagnaðar að fullu eða að hluta annars staðar.
Í rökstuðningum fyrir styrkinum segir eftirfarandi: „Iðunn Dísa er hjúkrunarfræðingur og starfar á heilsugæslu Heilbrigðisstofnunarinnar í Vestmannaeyjum. Iðunn er klínískur fagmaður fram í fingurgóma. Í störfum sínum nýtur Iðunn ómældrar virðingar samstarfsfólks og skjólstæðinga fyrir einstaka fagmennsku og nærveru.“