Ingvar Georg Georgsson hefur verið ráðinn nýr slökkviliðsstjóri Slökkviliðs Fjarðabyggðar en fjórir aðilar sóttu um stöðuna.
Austurfrétt segir frá því að auglýst hafi verið eftir nýjum slökkviliðsstjóra í byrjun september en umsóknarfrestur rann úr 13. október. Af þeim fjórum sem sóttu um stöðuna, voru þrír boðaðir í viðtöl. Fyrir utan Ingvars Georgs sóttu um eftirfarandi einstaklingar: Björn Halldórsson, þjálfunarstjóri, Júlíus Albert Albertsson, slökkviliðsstjóri og Leifur Andrésson Thomsen, framleiðslustarfsmaður.
Samkvæmt Austurfrétt er Ingvar Georg reynslumikill slökkviliðs- og sjúkraflutningamaður en lengst af hefur hann verið staðsettur á Suðurnesjum. Starfaði hann þar hjá bæði Slökkviliðinu á Keflavíkurflugvelli og hjá Brunavörnum Suðurnesja. Ingvar hefur aukreitis reynslu af störfum fyrir Landssamband slökkviliðsmanna auk þess sem hann og félagi hans kom á fót eina slökkviliðsminjasanfi landsins sem í tíu ár var starfrækt í Keflavík.
Þann 1. febrúar næstkomandi mun Ingvar formlega taka við stöðunni.