Innbrotaalda á Suðurlandi – þrjú innbrot á tveimur vikum

Snemma í síðustu viku var brotist inn í vinnuskúr við Stóru Laxá og rafmagnsverkfærum stolið þaðan. Eru þau metin á aðra milljón króna.

Sunnlenska.is fjallar um málið í dag. Verkfærin eru framleidd af Dewalt og Milwakee og af hinum ýmsum tegundum. Ekki urðu miklar skemmdir á vinnuskúrnum.

Lögreglunni var einnig tilkynnt um stuld á pípulagnaefni og verkfæri úr húsbyggingu á Selfossi, síðasta mánudag. Þar er andvirðið þónokkurt.

Þá var innbrot einnig tilkynnt í síðustu viku á íþróttavellinum á Selfossi.