- Auglýsing -
Söngvaskáldið Kristján Kristjánsson, KK, mætir í Fjárhúsið á Valgeirsstöðum í Árneshreppi á laugardaginn komandi, 20 júlí. Þar mun hann flytja margar af sínum bestu perlum. Tónleikarnir eru öllum opnir en þeir eru haldnir í tengslum við gönguhóp Ferðafélags Íslands sem verður um helgina í skála Ferðafélagsins og gengur á fjöll í grenndinni. Ferðin heitir Kálfatindar og KK og er vísað til þess að á laugardeginum er áformað að ganga á Kálfatinda við Norðurfjörð.
Um síðustu helgi var Helgi Björns með tónleika í Fjárhúsinu. Troðfullt var á viðburðinum og mikil ánægja með tónleikana. Guðni Th. Jóhannesson, forseti Íslands, tók lagið með Helga og félögum við gríðarleg fagnaðarlæti.
Þeir sem hafa hug á að komast í ferðina geta skráð sig hérna.