- Auglýsing -
Sýnataka úr neysluvatni á Seyðisfirði leiddi í ljós að saurkólí og e.coli gerla mengun er í vatninu en þetta kemur fram í tilkynningu frá Múlaþingi í dag.
Í tilkynningunni, sem Austurfrétt fjallaði um, segir að sjóða þurfi neysluvatn tímabundið en hægt sé að nota vatnið til þess að baða sig þar sem fjöldi gerla var innan marka sem miðað er við.
Unnið er að viðgerð og munu íbúar fá sendar upplýsingar þegar viðgerðunum lýkur og nýjar niðurstöður úr sýnatöku liggja fyrir. Þá er íbúum bent á að neysluvatnið þurfi að bullsjóða en best sé að nota hraðsuðuketil við slíkt.