- Auglýsing -
Körfuknattleiksdeild Snæfells lýsti eftir fólki í stjórn á dögunum en fékk dræm viðbrögð. Nú sendir Snæfell frá sér neyðarkall á Facebook síðu sinni.
Körfuknattleiksdeild Vestra, Ísafirði er ekki sú eina sem sent hefur frá sér neyðarkall vegna manneklu í stjórn en í gær kom slíkt kall frá körfuknattleiksdeild Snæfells. „Ef ekki næst að manna stjórn þá er næst á dagskrá að leggja niður deildirnar. Það er ljóst að deildirnar reka sig ekki sjálfar. Við trúum því ekki að það þurfi að koma til þess.“
Nú, 20 klukkustundum síðar, hefur enginn boðið sig fram, að minnsta kosti ef marka má athugasemdarkerfið við færsluna en auðvitað gætu einhverjir hafa boðið sig fram með öðrum, hefðbundnari leiðum.