Í morgun var sérstaklega gott veður fyrir listamennina á Akranesi sem nú skreyta veggi. Nafnarnir Bjarni Skúli Ketilsson og Bjarni Þór Bjarnason.
![](https://www.mannlif.is/wp-content/uploads/2022/09/Baski-1-1024x768.jpg)
Samkvæmt blaðamanni Skessuhorns voru báðir á fullu við verk sín þegar hann átti leið um. Þeir eru langt komnir með þau, en blaðamaður lýsir því að sífellt hafi bæjarbúar verið að gefa sig á tal við þá félaga.
![](https://www.mannlif.is/wp-content/uploads/2022/09/Baski-2-1024x768.jpg)
„Baski málar verk sitt á gafl gömlu mjölgeymslu Brims niður við höfn. Bjarni Þór málar hins vegar á norðurgafl gamla Landsbankahússins við Akratorg. Báðir eru þeir í verkum sínum með skírskotun til atvinnulífs liðinna tíma, en verkin eru engu að síður afar ólík. Baski segist sækja innblástur til kirkjuglugga í Flórens á Ítalíu, en hann málaði mikið í þessum stíl í kringum 2005. Bjarni Þór tekur fjallahringinn, líkt og horft sé í gegnum húsið, en á myndinni eru ýmis þekkt kennileiti á Akranesi, svo sem kútterinn, skip úr smiðju Þ&E, vitinn, Akraneskirkja og fleira sem margir þekkja. Verk þeirra nafna munu ásamt fleiri útilistaverkum prýða bæinn sem hluti af sérstöku vegglistarátaki sem nú er í gangi og sagt hefur verið frá í Skessuhorni.“
![](https://www.mannlif.is/wp-content/uploads/2022/09/Baski-3.jpg)