Á Hvítasunnudag skellur á verkfall á landsvísu sem mun hafa víðtæk áhrif í samfélaginu. Í Neskaupstað verður til að mynd lokað í íþróttamannvirkjum bæjarins, þar með talið sundlauginni. Verkfallið verður dagana 27., 28. og 29. maí.
Fram kemur í frétt Austurfréttar að Starfsmannafélag Fjarðabyggðar gekk til liðs við Kili í lok árs 2021, en starfólk íþróttamannvirkja í Neskaupstað tilheyra þeim.
Næstu vikuna er spáð blíðskaparveðri fyrir austan en Norðfirðingar verða að sætta sig við að kæla sig í sundlaugum nágrannabæja, haldist veðurblíðan áfram í næstu viku.
Aðgerðir BSRB gera það að verkum að verkfallið á sér stað. Eftir helgi eru verkföll áformuð hjá starfsfólki leik- og grunnskóla á höfuðborgarsvæði og á Suðurlandi. BSRB þrýstir þannig á meðal annars að launahækkunin gildi frá 1. janúar, líkt og var samið um á almenna markaðinum.
Aðildarfélög BSRB eru að skoða víðtækari aðgerðir. FOSA og Kjölur eru fyrir utan félag stétta á Austurlandi eins og Landsambands slökkviliðs- og sjúkraflutningafélags, Landssamband lögreglumanna og Sjúkraliðafélagið.