Sjóarinn lagði land undir fót og hitti fyrir Ingvar Friðbjörn Sveinsson á verkstæði sínu í Hnífsdal. Eftir að hann hætti til sjós hófst hann handa við að smíða þar ótrúlega nákvæm líkön af síðutogurum.
Í þættinum rifjar Ingvar einnig upp eftirminnilegt atvik sem snýr að honum Sigurði Steindórssyni, skipstjóra á Ottó.
„Einu sinni var móttakan full og bæði trollin full upp á dekki. Þá kemur hann með veiðistöng út á bátapall, nakinn að ofan og með páfagaukinn á öxlinni og sagði svo „Á að kalla í stelpurnar úr landi til að hjálpa ykkur að koma þessu niður?“ og hann var með slóg á veiðistönginni og fiskaði og fiskaði.“
Ingvar segir að páfagaukurinn hafi fylgt Sigurði um allt og sagði meðal annars í þættinum: „Það var allt útdrullað upp í brú,“ og var það fuglinum að kenna.
Hægt er að sjá allan þáttinn hér.