- Auglýsing -
Sjóarinn lagði land undir fót og hitti fyrir Ingvar Friðbjörn Sveinsson á verkstæði sínu í Hnífsdal. Eftir að hann hætti til sjós hófst hann handa við að smíða ótrúlega nákvæm líkön af síðutogurum.
Hann veitir okkur innsýn í ferlið og sýnir okkur tvö af þeim skipum sem hann er með á borðinu hjá sér.
„Ég er búinn að vera með þessa tvo í rétt um tvö ár í fullri vinnu, alla daga. Frá morgni fram á kvöld. Þetta er gríðarleg vinna og útsjónarsemi, hvernig maður ætlar að gera þessa hluti. Ég geri þetta úr mörgu. Skrokkarnir, þeir eru úr trefjaplasti. Ál, tré, hvað eina sem mér dettur í hug. Ég mæli allt. Málið á þessu er 1 á móti 25,“ sagði Ingvar en hann hefur aldrei lært neitt tengt smíðum.