Í fyrsta þætti Jólaseríunnar á Gunnhildur afar áhugavert spjall við Jónu Símoníu Bjarnadóttur, sagnfræðing og jólabarn mikið.
Jóna býr á Ísafirði og er svo margrómað jólabarn að hún er oft kölluð Jóla-Jóna. Í þættinum segir Jóna frá sögu jólanna á Íslandi frá upphafi, en erfitt er að finna annan eins viskubrunn um málefnið og hana. Hún segir frá hefðum okkar og hvaðan þær koma, jólasveininum og jólakettinum. Jóna talar sömuleiðis um jólamat á Íslandi, skraut, og gefur innsýn í sín eigin jól.
Jóna segir meðal annars að óþjóðalýður jólanna hafi verið notaður til að stjórna fátæku fólki hér á árum áður og enginn virðist vita fyrir víst hvaðan orðið „jól“ kemur eða hvað það merkir.
Jóna segist alltaf að pakka saman húsinu sínu í heild fyrir hver einustu jól; svo mikið er skrautið sem hún þarf að koma fyrir.
Jólaserían eru nokkrir þættir í VefTV Mannlífs, sem birtast nú í desember. Þema þáttanna er, eins og nafnið gefur til kynna, jólin í hinum ýmsu myndum – skoðaðar verða hefðir, sögur, skraut, hin íslenska saga jólanna og ýmislegt dularfullt sem tengist hátíðinni og árstímanum. Líka sitthvað notalegt og ljúft.
Þáttastjórnandi er Gunnhildur Kjerúlf Birgisdóttir.
Þáttinn má horfa á hér: