Í ljósi umræðunnar síðustu daga er hér endurbirt viðtal Guðna Ágústssonar við Vigdísi Häsler, í hlaðvarpinu „Landbúnaðarráðherra Mannlífs“. Í viðtalinu fer Vigdís um víðan völl, en hún er fyrsta kona sem gegnir embætti framkvæmdastjóra Bændasamtakanna.
Vigdís er lögfræðingur að mennt og hefur áður starfað sem aðstoðarmaður samgöngu- og sveitarstjórnarráðherra og fyrir Sjálfstæðisflokkinn.
Vigdís tók við starfi sínu á erfiðum tímum fyrir Bændasamtökin. Stærsta verkefnið að hennar mati hefur verið að leiða saman hinar ólíku búgreinar sem hefur gengið ágætlega að hennar mati.
Vigdís hefur mikið verið í umræðunni undanfarið eftir að upp komst um rasísk ummæli sem Sigurður Ingi Jóhannsson, innviðaráðherra og formaður Framsóknarflokksins, lét falla um hana í gleðskap í síðustu viku. Um var að ræða boð sem Framsóknarflokkurinn hélt í framhaldi af Búnaðarþingi og voru starfsmenn Bændasamtakanna á gestalista.
Sigurður Ingi er sagður hafa vísað til Vigdísar sem „þeirrar svörtu“. Hún hefur sjálf sent frá sér yfirlýsingu þar sem hún gefur ummælin í skyn og segir þau hafa verið særandi. Sigurður Ingi birti afsökunarbeiðni sama dag á Facebook-síðu sinni.