Gestur Sjóarans er fyrrverandi sjávarútvegsráðherra, Jón Bjarnason, sem stóð meðal annars fyrir því að strandveiðikerfið var sett á laggirnar.
Hann ætlaði sér þó aldrei að verða sjávarútvegsráðherra þó svo að hann hafi verið einn af þeim sem mótuðu stefnu Vinstri Grænna í sjávarútvegsmálum á þeim tíma þar sem það hafði verið rætt áður en til stjórnarmyndunnar kom að hann yrði samgöngu- og sveitastjórnaráðherra.
Í þættinum ræðir Jón meðal annars strandveiðikerfið og baráttuna við það að koma þeim í gegnum þingið og aðild Íslands að Evrópusambandinu.
„Umsóknin sem send er, er fyrirvaralaus og hún er þá á vissan hátt stjórnsýslulega bindandi. Hins vegar þá var það þannig að menn voru ekkert að sækja um bara til að prófa hvað kæmi upp úr pottinum. Evrópusambandið hefði aldrei tekið við svoleiðis umsókn, að þú gætir bara komið og farið. Það er ítrekað við mig, og eins við aðra, að þið verðið að gera ykkur grein fyrir því að þið eruð að sækja um aðild. Þannig að þau sem greiddu atkvæði með því að sækja um aðild að Evrópusambandinu voru að sækja um aðild til að þess að verða aðilar. Annað er hrein og gróf blekking,“ sagði Jón meðal annars um Evrópusambandið í þættinum.
Hægt er að horfa á þáttinn í heild sinni hér.