Aukin orka með ýmsum góðum ráðum | Mannlíf

Aukin orka með ýmsum góðum ráðum

Vikan

20 janúar 2018

Nokkur ráð til að hressa sig við.

Allir vita að hreyfing og líkamsrækt eykur þol og úthald en það má auka orkuna með ýmsum öðrum ráðum. Til dæmis hefur birta mikið að segja og því eru ansi margir daufari á veturna. Það má draga verulega úr deyfðinni meðan myrkrið ríkir með því að bæta lýsinguna á heimilinu og á vinnustaðnum. Einn lampi getur breytt öllu.

Hlátur leysir úr læðingi vellíðunarboðefni í heilanum og skellihlátur er góð æfing fyrir magavöðvana.

Að breyta og bæta umhverfi sitt er líka gott ráð til að auka orkuna. Sérfræðingar segja að eftir vissan tíma hætti umhverfið að hafa áhrif á okkur vegna þess að við erum orðin því svo vön. Þess vegna er alveg nauðsynlegt að breyta til heima hjá sér af og til og með því að færa til stól eða mála einn vegg getur heimili þitt orðið þér ný orkuuppspretta.

Fáðu þér frískt loft. Fátt dregur jafnmikið úr þreki manna og þungt, kæfandi og mollulegt andrúmsloft. Farðu út hvenær sem færi gefst og andaðu að þér fersku vorloftinu.

Texti / Steingerður Steinarsdóttir

Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is

Velkomin. Mannlíf notar vafrakökur. Sjá nánar.