Hulda Bjarnadóttir er landsmönnum góðkunn úr fjölmiðlaheiminum. Auk þess hefur hún verið framkvæmdastjóri Félags kvenna í atvinnulífinu, FKA og Krafts, stuðningsfélags fyrir ungt fólk með krabbamein og aðstandendur, og unnið við ráðgjöf og kennslu í almannatengslum, mörkun og viðburðastjórnun fyrir innlend og erlend fyrirtæki. Í dag starfar Hulda á mannauðssviði Marels þar sem hún leiðir alþjóðleg verkefni af ýmsu tagi. Hulda vill létta fordómum af málefnum fanga og aðstandenda þeirra og henni er annt um að aðstandendur hljóti viðeigandi stuðning. Bróðir Huldu, Sveinn, afplánaði fimm ára fangelsdóm fyrir fíkniefnainnflutning sem hún segir hafa reynt mjög á fjölskylduna en þau hafi komið sterkari og nánari út úr þeirri reynslu.
Árið 2000 var Sveinn tekinn við innflutning á fíkniefnum og í kjölfarið dæmdur til fimm ára fangelsvistar. Fjallað var um málið í fjölmiðlum og þeir sem komu að málinu voru nafngreindir, áður en dómur féll og Hulda segir að sem aðstandanda hafi sér oft verið gróflega misboðið vegna umfjöllunarinnar.
Hún segir fangelsisdóminn í raun hafa orðið bróður sínum til happs því hann hafi verið langt leiddur í fíkninni og búinn að missa alla von um að komast nokkru sinni út úr þessum aðstæðum. „Á þessum tíma var ég nýbúin að eignast son minn, Óskar Dag, og þegar Sveinn var settur í gæsluvarðhald ákvað ég að ég yrði að heimsækja hann og taka drenginn með til að sýna Sveini litla frænda sinn. Hann yrði að finna að hann hefði einhvern tilgang í lífinu, eitthvað til að lifa fyrir, og fá að vita að við elskuðum hann og værum til staðar fyrir hann. Ég verð alveg klökk þegar ég tala um þetta,“ segir Hulda.
Hulda er í forsíðuviðtali í nýjasta tölublaði Vikunnar sem kemur í verslanir á morgun, fimmtudag.
Valgeir Skagfjörð skrifar bókina Svo týnist hjartaslóð, þroskasaga Betu Reynis. Bókin sem átti að vera sjálfshjálparbók byggð á menntun Betu sem næringarfræðingur varð að ævisögu sem fjallar um áföll, bæði Betu sjálfrar og forfeðra hennar, og hvaða áhrif það hefur að vinna aldrei úr áföllum lífsins.
Chanel Björk Sturludóttir hefur rætt opinskátt um málefni svartra og litaðra Íslendinga og reynsluheim þeirra sem tilheyra minnihlutahópi á Íslandi sökum uppruna. En Chanel var byrjuð að vekja athygli á lífi og tilveru blandaðra Íslendinga áður en BLM-mótmæli þessa árs hófust, til dæmis með þáttunum Íslenskamannflóran. Málefnið er henni hjartans mál.
Auður Árnadóttir blómaskreytingameistari á og rekur Auður blómabúð og blómaskreytingaverkstæði fyrir á Garðatorgi í Garðabæ. Á verkstæðinu skapar Auður og fær útrás fyrir hugmyndir sínar, en hún sækir efnivið í skreytingar sínar mikið í íslenska náttúru. Auður sýnir lesendum Vikunnareigin útfærslur af aðventukransi og fleiri skreytingum.
Í Málinu sem er nýr efnisliður í Vikunni munum við taka fyrir málefni sem eru í umræðunni. Í þessari viku tókum við umræðuna um fangelsisdóma, en deildar meiningar eru um gildi fangelsisvistar og hvort hún sé til bóta eða afturfarar. Sumir telja hana nauðsynlega, aðrir að hún þjóni engum tilgangi öðrum en að gera menn verri.
Gréta Karen Grétarsdóttir söngkona er undir smásjánni. Besta ráðið sem henni hefur verið gefið er: „Ef þú gerir ekki neitt þá gerist ekki neitt.“
Í Vikunni má einnig finna umfjöllun um bækur, tísku, fræga fólkið, húðumhirðu, og fleira, auk þess sem Deiglan, Lífreynslusaga Vikunnar, krossgátan, orðaleit og stjörnuspá Vikunnar eru á sínum stað.
Tryggðu þér eintak í næstu verslun eða í vefverslun okkar.