- Auglýsing -
Leikkonurnar og tískufyrirmyndirnar Charlize Theron og Lupita Nyong’o skarta báðar skálaklippingu.
Nýja klippingin hennar Charlize Theron hefur vakið mikla athygli síðan hún breytti til í september og lét stytta hárið verulega. Um svokallaða skálaklippingu er að ræða.
Theron var glæsileg á rauða dreglinum á Governors Awards hátíðinni í gær. Hún klæddist síðkjól frá Tom Ford og tók sig vel út með nýju klippinguna.
Leikkonan Lupita Nyong’o var ekki síður flott í kjól frá Givenchy. Það vakti athygli er að hún skartaði svipaðri skálaklippingu og Theron.
Báðar eru þær Theron og Nyong’o miklar tískufyrirmyndir og þá er spurning hvort skálaklipping sé nýjasta hártrendið. Hárgreiðslumaðurinn Adir Abergel staðfestir í samtali við InStyle að þessi klipping muni ná miklum vinsældum á næstunni.