Óvenju mikið landris hefur mælst á Reykjanesskaga rétt vestan við fjallið Þorbjörn undanfarna daga sem bendir líklega til kvikusöfnunar á nokkurra kílómetra dýpi að sögn sérfræðinga. Í völvuspá Vikunnar fyrir árið 2020 spáði völvan eldgosi á stað sem myndi koma fólki á óvart.
Völvan sagðist í spá sinni sjá töluvert af jarðskjálftahrinum og jarðskjálfta á suðvesturhorninu. „Fyrst finnst mér verða eldgos á einhverjum óvanalegum stað, á suðvesturhorninu, og ég vil meina að í kjölfarið fari af stað gos í Heklu og Kötlu. Ég tek það fram að ég sé ekki neinar hamfarir og ég held að þetta verði ekki stórt gos eða standi lengi yfir. Ég vil líka taka fram að þetta eru ekki Vestmannaeyjar en staðsetningin mun koma fólki á óvart.“
Nú er bara að bíða og sjá hvort framhald verði á ókyrrðinni í kringum Þorbjörn.
Tryggðu þér áskrift að Vikunni í vefverslun