Fjögur trix að betri lífsstíl | Mannlíf

Vikan

22 janúar 2019

Fjögur trix að betri lífsstíl

Nokkur góð og einföld ráð fyrir þá sem vilja tileinka sér heilbrigðan lífsstíl.

Byrjaðu daginn á vatnsglasi

Flestir vakna þyrstir því líkaminn þornar yfir nóttina. Með því að drekka eitt til tvö vatnsglös áður en nokkuð annað er gert er hægt að koma í veg fyrir sultartilfinningu og snakkþörf þegar líða tekur á daginn. Þá er búið að leggja góðan grunn að vökvabúskap líkamans yfir daginn og þess vegna ólíklegra að menn túlki þorsta sem sult.

Taktu nokkra sprellikarla á gólfinu

Allir þekkja sprellikarlahopp. Taktu fimm til tíu slík á svefnherbergisgólfinu áður en þú klæðir þig, nokkur eftir sturtuna og enn fáein meðan þú hefur til morgunverðinn. Öll hopp og stökk koma blóðinu hratt á hreyfingu og starfsemi líkamans í gang. Að auki getur þetta aukið grunnbrennsluna umtalsvert og það varir allan daginn.

Borðaðu klukkan þrjú

Borðaðu litla máltíð klukkan þrjú í eftirmiðdaginn. Það dregur úr þreytu, gefur meiri orku til að klára daginn og kemur í veg fyrir snakkþörf á kvöldin. Hrökkbrauð með kotasælu, epli og nokkrar rúsínur er til dæmis mjög gott. Sumir fá sér hafragrjón í mjólk, hnetur eða möndlur. Meginatriðið er að fá sér holl kolvetni er skila sér hægt út og hækka því ekki blóðsykurinn.

Taktu vel á því í stuttan tíma

Lengd æfinganna skiptir ekki öllu máli þegar kemur að líkamsrækt. Margt bendir til að snörp æfing í stuttan tíma skili betri árangri en löng æfing þar sem áreynslan er stöðug og jöfn. Það getur verið gott að taka nokkrar tíu mínútna til korters lotur yfir daginn og þær má gera hvar sem er. Þá er gott að sippa, gera hnébeygur, armbeygjur eða hlaupa. Taka lóð og lyfta, planka eða dansa.

Ertu með frétt?
Hefur þú skemmtilegt efni til að koma á framfæri?

Sjá einnig

Lífsstíll

fyrir 4 dögum

Leið að heilbrigðri húð

Lesa meira
Kaupa áskrift
Kaupa áskrift

Tryggðu þér áskrift

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu

Sími 515-5500

askrift@birtingur.is

auglysingar@birtingur.is

ritstjorn@birtingur.is