Heiðar Sumarliðason leikskáld lenti í kröppum dansi á gamlárskvöldi.
„Gamlárskvöld 1986 voru hátt í tíu vindstig en ég skellti mér samt út ásamt bróður og föður til að skjóta upp. Það gekk vel framan af en þegar kom að því að skjóta upp stærsta flugeldinum vildi ekki betur til að en að sterk vindhviða feykti 1,5 lítra kókglerflöskunni um koll. Og sá sem flöskustúturinn lenti á var ég,“ segir Heiðar um atvik sem átti sér stað fyrir nokkrum árum.
„Af stað fór bomban og stefndi beint á höfuðið á mér. Ég náði sem betur fer að henda mér niður á síðustu stundu, svo litlu munaði hins vegar að rakettan sveið dúskinn af húfunni minni þegar hún þaut lárétt fram hjá.
Húfuna hélt ég áfram að nota og var dúskurinn sviðni eilíf áminning um hve hurð skall nærri hælum þetta kvöldið. Lærdómurinn var augljós.“