Eflaust finnst öllum erfitt að finna hár sitt þynnast eða jafnvel missa það. Lars Skjoth, stofnandi og eigandi danska fyrirtækisins Harklinikken, segir að hárþynning og hármissir fari ekki í manngreinarálit. Hann ætti að vita það því á meðal viðskiptavina hans er konungsfólk í Evrópu, Hollywood-stjörnur, viðskiptajöfrar og rokkstjörnur en þeim hefur hann veitt hármeðferð sem oft og tíðum hefur snúið við þróuninni og auðvitað ósköp venjulegu fólki líka.
Lars er stofnandi Harklinikken og mjög þekktur á Norðurlöndunum og víða í Bandaríkjunum þar sem hann er í reglulegum viðtölum í fjölmiðlum, sjónvarpi, tímaritum og dagblöðum en hann er einnig yfirmaður rannsókna og þróunar hjá fyrirtækinu.
Harklinikken opnaði nýlega útibú að Laugavegi 15 sem hann er í skýjunum yfir. ,,Við erum nú í hjarta Reykjavíkur. Við höfum starfað á Íslandi í þrjú ár og hafa viðtökurnar verið ótrúlega jákvæðar. Þúsundir Íslendinga eru nú í meðferð hjá okkur og við vildum opna útibú sem sameinaði verslun og persónulega stofu.
Hársérfræðingar Harklinikken munu starfa í versluninni en þeir eru allir þrautþjálfaðir í að finna vandamál í hári og hársverði. Byggt er á hefð Harklinikken fyrir einstaklingsmiðaðri og persónulegri þjónustu, sem einmitt hefur skapað fyrirtækinu sérstöðu á markaði. Þetta er því spennandi tilraun fyrir okkur því við getum hugsað okkur að færa út kvíarnar í smásölu víðs vegar um heim en hingað til höfum við eingöngu selt vörurnar til þeirra sem eru í meðferð hjá okkur.“
Hársekkirnir þurfa hvíld
Flesta hárþynningu má rekja til víxlverkunar milli erfða og hormóna. ,,Hvert hár lifir í hársekk og eru þeir í tugþúsunda tali á hvirflinum. Hormónarnir taka hins vegar til við að skipa genunum að ráðast á hársekki hársins, sem verður til þess að hársekkurinn minnkar og afleiðingin verður þynnra hár. Streita, lítill svefn, léleg næring og svo framvegis getur hraðað þynningunni þar sem fyrrgreindir þættir geta haft áhrif á hormónin. Hársekkirnir þurfa hvíld þar sem bólgur geta valdið örum á hársverðinum sem er óafturkræfanleg,“ segir Lars og heldur áfram og telur upp nokkrar hugsanlegar ástæður fyrir hárþynningu.
,,Í fyrsta lagi getur hármissir tengst veikindum og stundum er hármissir afleiðing veikinda en hann getur líka verið vísbending um þau og leita ætti læknis ef það er engin undirliggjandi vandi. Þetta á t.d. við um sjálfsofnæmissjúkdóma, þar sem líkaminn ræðst gegn eigin hári. Það gæti birst í skallablettum á ákveðnum svæðum eða algjörum skalla. Í annan stað geta það verið efnaskiptasjúkdómar sem koma við sögu eða átröskunarsjúkdómar og í þriðja lagi misnotkun á efnum sem geta eyðilagt hárið jafnt sem innri líffæri eða líffærakerfi. Þá er enn ótalið aukaverkanir af lyfjum eins og t.d. við krabbameinsmeðferð og hárlos getur tengst flökti á hormónum við barnsburð kvenna en oftast kemur hárið aftur en stundum fíngerðara og þynnra en það var fyrir meðgönguna.“
En hvers vegna missa sumir hárið en ekki aðrir? ,,Flestir finna fyrir hárþynningu einhvern tímann á ævinni sem er, eins og áður segir, flókin samsetning gena og hormóna. Það þarf að fyrirbyggja að eggbúin minnki en því fyrr sem tekst að stöðva þróunina því betra. Flestir taka ekki eftir hárþynningunni fyrir en þeir hafa þá þegar misst 40-50% af hárinu. Hárið á okkur eldist eins og við en hárþynning getur hafist á hvaða aldri sem er, jafnvel í unglingum.“
En almennt, því betur sem farið er með hársekkina því lengri og heilsusamlegri hár munu þeir framleiða. Við mælum með Balancing Shampoo sem við framleiðum til hárþvotta á hverjum degi eða annan hvorn dag en hver þvottur er hluti af meðferðinni og hjálpar til við að halda hársverðinum heilbrigðum. Þá er mikilvægt að gefa hárinu nægjanlega raka sem hjálpar hárinu að verða sterku og löngu. Þar notum við saman góða rakagjafa eins og Harklinikken Hair Mask Intense & Hydrating og Mask og Leave in Hair Hydrating Creme. Formúlurnar eru án kísils, litar, ilmefna og rotvarnarefna sem eru til vandræða. Það minnkar þurrk, skapar fyllingu, eykur ljóma hársins og teygjanleika,“ segir Lars meðal annars í viðtali við Vikuna.
Tryggðu þér áskrift að Vikunni í vefverslun >