Valur Grettisson, ritstjóri Grapevine, getur ekki beðið eftir að hefja nýtt ár.
Hvernig leggst 2021 í þig?
„Vel. Maður getur ekki annað en verið bjartsýnn. Bóluefnið er á leiðinni og endurreisn heimsins getur hafist í kjölfarið. Þannig að það stefnir í spennandi ár að auki.“
Áramótaheit fyrir 2021?
„Ég strengi ekki áramótaheit að öllu jöfnu. Ég reyni að bæta mig sem manneskju hægt og skipulega. Kannski er áramótaheitið að halda því áfram.“
Hvað hefur 2020 kennt þér?
„Að heimsendir er raunverulegri ógn en ég bjóst við.“
Hvernig ætlarðu að nýta þá reynslu á nýju ári?
„Að grafa neðanjarðarbyrgi eru frekar rökrétt viðbrögð. En líklega læt ég mér fátt um finnast og held áfram að eins og ekkert hafi ískorist.“
Hvað ætlarðu að gera á nýju ári?
„Hitta vini, fara til útlanda, hósta á almannafæri.“
Hvers hlakkar þú mest til?
„Að standa í mannþvögu. Helst á sveittum tónleikum klukkan þrjú um nótt.“