Föstudagur 29. mars, 2024
4.8 C
Reykjavik

Laugavegurinn suðupottur fyrir innblástur

VefTv

- Auglýsing -

Hlaðvörp

- Auglýsing -

Rúna Magdalena Guðmundsdóttir rekur hárgreiðslustofuna Hárgallerí sem á hug hennar allan ásamt fjölskyldunni. Hún segir furðulegustu kaupin vera of marga of líka skó en af öllum flíkum sé leiðinlegast að máta sundboli.

Fullt nafn: Rúna Magdalena Guðmundsdóttir.
Starfsheiti: Hárgreiðslukona
Fallegasti fataliturinn? Þegar ég er í vandræðum enda ég alltaf í svörtu.
Besta lykt í heimi? Börnin mín lykta best en af ilmvötnum nota ég Eau d´Hadrien frá Annick Goutal.
More is less eða Less is more? Má segja hvorutveggja?
Þægindi eða útlit? Held ég verði að segja útlit.
Áhugamál: Vinnan er mitt helsta áhugamál en þar fyrir utan þegar tími gefst er það helst sundlaugaferðir, göngutúrar með fjölskyldunni og hundinum svo auðvitað að ógleymdum ferðalögunum.

„Ég elska að blanda saman nýjum flíkum og gömlum þó að einfaldleikinn sé oftast mest ráðandi þegar kemur að mínum persónulega fatastíl.

Mér finnst fátt skemmtilegra en að gramsa á gömlum fatamörkuðum þangað til ég finn eitthvað sem mér finnst vera alveg ómissandi. Með öðrum orðum er ég mjög dugleg að heimsækja vintage-verslanir þegar ég er stödd utan landsteinanna en hér heima  er ég mest hrifin af Gloríu, Aftur og öðrum íslenskum hönnuðum sem eru allt í kringum mig í miðbænum.

Ég er alltaf veik fyrir yfirhöfnum en svo á ég líka erfitt með að standast gamlar fallegar töskur.“

Aðspurð hvað sé skyldueign í fataskápnum nefnir Rúna Magdalena Vintage Levi´s-gallabuxur 501. „Já og svartan rúllukragabol, helst úr merino-ull. Sjálf sæki ég innblástur héðan og þaðan og frá ótrúlegustu stöðum og fólki. Ég bý við þau forréttindi að starfa og vera við Laugaveginn á hverjum degi sem er alger suðupottur fyrir innblástur.“

Alexander Wang-töskuna fann Rúna á Portobello market í London.
„Uppáhaldsfylgihluturinn er annars vegar LV Reykjavík, trefillinn minn og svo Alexander Wang-taska sem mig dreymdi um og fann loks á Portobello market fyrir tilviljun.“
„Comme des garcon-kjóllinn sem tengdamamma gaf mér og og ég gifti mig í hefur án nokkurs vafa mesta tilfinningalega gildið enda mikil klassík.“
Eau d´Hadrien frá Annick Goutal er í uppáhaldi hjá Rúnu.

Myndir / Aldís Pálsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -