- Auglýsing -
Sænska merkið Acne Studios og breska merkið Mulberry sameina krafta sína í nýrri línu sem leit dagsins ljós í dag.
Samstarfslínu Acne og Mulberry er líst sem „vináttusamstarfi“. Í henni er að finna nokkrar af klassískustu töskum merkjanna með uppfærðu sniði. Sem dæmi má nefna Musubi-töskuna frá Acne og Bayswater frá Mulberry.
„Línan snýst um vináttu og frelsi okkar til að gera það sem við viljum,“ er haft eftir Jonny Johansson, listrænum stjórnanda Acne, í frétt Independent. „Línan er eins og samtal á milli Acne og Mulberry.“
Línan kemur í takmörkuðu upplagi. Hana má skoða í heild sinni hér.
