Föstudagur 29. mars, 2024
-4.2 C
Reykjavik

Völvan um árið 2019

VefTv

- Auglýsing -

Hlaðvörp

- Auglýsing -

Nýjasta tölublað Vikunnar kemur í verslanir í dag og í því er að finna ítarlega völvuspá fyrir árið 2019.

Í byrjun desember var völva Vikunnar heimsótt. Vaxandi vindur ýldi í ufsum og setti ofurlítið tóninn fyrir komandi ár. Völvan er uggandi um margt og þegar spilin höfðu verið lögð rýndi hún um stund í kristalskúluna en síðan reis hún á fætur, gekk um gólf og ræddi við stjórnendur sína á öðru tilverustigi.

Í spá völvunnar sér hún sólríkt og fallegt sumar, áframhaldandi straum ferðamanna til landsins, ríkisstjórn sem leysist í sundur, dýfu á fasteignamarkaði og átak til að draga úr eiturlyfjavandanum sem herjar á landsmenn.

Hvað viðskiptalífið varðar segir völvan meðal annars: „Róbert Wesman gengur vel. Hann er ánægður og horfir um öxl sáttur. Hann er með ákveðin plön sem hann fer eftir. Mér finnst erfitt einkalífið hjá Skúla Mogensen. Hann þarf að hlúa að sér og sínum. Ég upplifi þreytu hjá honum. Lítið hefur farið fyrir Jóni Ásgeiri Jóhannessyni og Ingibjörgu Pálmadóttur og það verður áfram þannig á árinu.“

Mér finnst erfitt einkalífið hjá Skúla Mogensen. Hann þarf að hlúa að sér og sínum.

Spurð út í samgöngur og vegamál segir völvan: „Slysum á vegum á ekki eftir að fækka hér á landi. Það er komin ákveðin samgönguáætlun og ég sé ekki annað en henni verði fylgt eftir og engu bætt við. Vaðlaheiðargöng hafa kostað okkur óhemjufjármagn sem hefði mátt nota í annað. Þau voru illa undirbúin, eins og margt annað hér á landi. Menn unnu ekki grunnvinnuna sína, enn og aftur þurfum við að hysja upp um okkur og huga að því hverjar grunnstoðir samfélagsins eru og hvernig við vinnum úr hlutunum.“

Slysum á vegum á ekki eftir að fækka hér á landi.

Þá rýnir völvan einnig í menningamál, fjölmiðla, íþróttir, kóngafólk og Hollywood-stjörnur svo eitthvað sé nefnt.

Þetta og miklu meira í ítarlegri völvuspá í nýjasta tölublaði Vikunnar.

- Auglýsing -

Mynd / Aldís Pálsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -