- Auglýsing -
Fyrirtækið Olifa er hugarfóstur hjónanna Ásu Maríu Reginsdóttur framkvæmdastjóra og Emils Hallfreðssonar knattspyrnumanns en hugmyndin kviknaði eftir nokkurra ára búsetu á Ítalíu. Þau bjóða upp á hágæða ítalskar vörur sem þeim fannst vanta á Íslandi.
Meðal þess sem fæst undir nafni Olifa eru fjórar 100% ítalskar jómfrúarolíur, hrein tómatsósa, krydd úr handtíndum jurtum, ferskt pestó, ólífur, tómat-pâté og sólþurrkuðum tómötum.
Ævintýrið byrjaði þegar Emil flutti til Suður-Ítalíu, nánar tiltekið til Reggio Calabria, árið 2007 til að spila knattspyrnu í Serie A. „Þangað bauð hann mér í mjög rómantíska heimsókn sem eiginlega stendur enn yfir, ég fór sem sagt eiginlega ekki aftur heim frá honum. Við höfum síðan þá búið í Verona, Udine og Róm – og elskað hverja mínútu,“ segir Ása.
Nánara viðtal og uppskriftir að gómsætum pastaréttum er í nýjasta tölublaði Gestgjafans, 7. tbl. 2020.
Tryggðu þér áskrift að Gestgjafanum í vefverslun
