Sniðugt er að baka þessa köku þegar bananarnir ykkar eru á síðasta snúningi en þeir þurfa einmitt að vera vel þroskaðir til þess að fá gott bananabragð í kökuna. Ef þeir eru það ekki getur verið gott að setja 1 tsk. af vanilludropum út í deigið. Verði ykkur að góðu.
Bananakaka með pekanhnetum
200 g rjómaostur
170 g mjúkt smjör
4 dl sykur
2 egg
5 dl hveiti
½ tsk. lyftiduft
½ tsk. matarsódi
½ tsk. salt
3 vel þroskaðir bananar, maukaðir
70 g pekanhnetur, saxaðar gróft
Hitið ofn í 175°C. Hrærið saman rjómaost og smjör þar til blandan er ljós og loftmikil. Setjið eggin út í eitt í einu og hrærið vel á milli. Blandið þurrefnunum saman og setjið út í eggjablönduna. Hrærið varlega saman við með sleikju ásamt maukuðum bönunum og hnetum. Setjið deigið í formkökuform sem hefur verið fóðrað með bökunarpappír. Þessi uppskrift dugar í eitt langt formkökuform eða tvö styttri. Bakið í u.þ.b. 1 klst. eða þar til prjónn sem stungið er í miðjuna kemur hreinn út. Athugið að bökunartíminn getur verið mislangur eftir stærð og gerð formsins sem er notað. Látið kökuna kólna.
Ofan á
200 g suðusúkkulaði
3 msk. smjör
1 dl pekanhnetur, ristaðar og
saxaðar gróft
1 dl kókosflögur, ristaðar
Bræðið súkkulaði og smjör saman yfir vatnsbaði. Smyrjið ofan á kökuna og dreifið ristuðum pekanhnetum og kókosflögum yfir.
Umsjón: Kristín Dröfn Einarsdóttir Mynd: Aldís Pálsdóttir Stílisti: Ólöf Jakobína Ernudóttir