Gísli Magnús Garðarsson starfar hjá Duflandi Heildsölu sem er ungt og framsækið fyrirtæki sem sérhæfir sig í innflutningi og dreifingu á neysluvörum. Til að byrja með sérhæfði fyrirtækið sig í innflutningi á nikotínpúðum en hefur nú víkkað þjónustu sína.
„Við erum fyrirtæki sem er tiltölulega ný byrjað að flytja inn vín en erum nikótínpúðafyrirtæki í grunninn. Áður en ég kom inn í fyrirtækið voru þeir byrjaðir að flytja inn púðana og urðu í raun fyrstir til að byrja nikótínpúðaæðið sem er í gagni í dag. Og við erum með bestu bröndin á Íslandi, sem eru Loop og Velo. En við erum heildsala sem er í raun opin fyrir öllu og erum oft á tíðum með mismunandi hluti og höfum að prófa alveg helling.“
Nýlega hóf Duflandi að flytja inn frábær vín frá Spáni.
„Þeir byrjuðum með vínin í enda þar síðasta árs. Þeir ákváðu að prófa og fengu fyrst vín frá Suður Afríku en þegar ég kem inn þá tek ég þetta á næsta level. Bæði vann ég í vínbúð og er menntaður í vínum. Og við erum sem sagt komnir núna inn á spænska markaðinn, hann er auðvitað mjög fjölbreyttur en við fundum þarna einn framleiðanda, Marta Maté sem er algjör negla eins og sagt er. Spænsku vínin eru öll rauðvín en Suður Afrísku vínin okkar eru aðallega hvítvín en við erum með eitt rautt vín þaðan sem heitir The Chocolate Block en það var í sölu til 2011 en datt út af markaðnum en við vitum ekki alveg af hverju en við pikkuðum það upp aftur og komum því aftur á markaðinn en lækkuðum aðeins verðið á því. Það er svolítið gaman að segja frá því að The Chocolate Block er 700. krónum ódýrari í Ríkinu núna en það var 2011, 700 kall í dag er svolítið annað en 700 kall þá. En við sem sagt leggjum mestu áhersluna á spænsku rauðvínin, þá sérstaklega Ribera Del Duero og Rioja en það eru vinsælustu og flottustu héruðin á Spáni.“