- Auglýsing -
Einföld og meðfærileg kaka sem minnir á hjónabandssælu en í staðinn fyrir rabarbarasultu er notuð sykurlaus hindberjasulta. Mjög fljótlegt að henda í þessa fyrir helgina og ekki spillir fyrir að hún geymist vel og er í hollari kantinum.
8-12 stk.
250 g grófir hafrar, malaðir í fínt mjöl í matvinnsluvél
130 g hveiti eða heilhveiti
2 tsk. kanill
½ tsk. salt
50 g döðlusíróp
130 g olía að eigin vali
½ krukka sykurlaus hindberjasulta t.d. frá Dalfour
2 öskjur fersk hindber, söxuð
Hitið ofninn í 180°C. Blandið öllum innihaldsefnum saman í skál og hrærið vel saman með sleif. Setjið helminginn af deiginu í eldfast ferkantað mót sem er um 20*30 cm að stærð og smyrjið sultunni og berjunum jafnt yfir. Myljið afganginn af deiginu yfir sultuna og berin. Bakið kökuna í 20 -25 mínútur og skerið í ferninga þegar hún kemur úr ofninum. Kakan geymist ágætlega í nokkra daga ef svo ólíklega vill til að eitthvað verði eftir af henni.
Mynd / Hákon Davíð Björnsson
Stílisti / Bergþóra Jónsdóttir