- Auglýsing -
Eftirréttur er nauðsynlegur endapunktur á góðri grillveislu. Hér eru hugmynd að skemmtilegum eftirrétti sem gaman er að bjóða gestum á sólríkum sumardegi.
Nektarínur og hindber
fyrir 4-6
4 nektarínur
100 g hindber
1 – 1 ½ dl sykur
Skerið nektarínur í tvennt og takið steininn úr. Það er gott að skera í kringum steininn, snúa létt þar til nektarínurnar losna í sundur og plokka síðan steininn úr með hníf. Raðið nektarínunum í form og dreifið hindberjunum yfir. Stráið sykrinum yfir og setjið formið á grillið þar til sykurinn hefur brúnast fallega og nektarínurnar mýkst svolítið. Eins má setja þetta undir grillið í ofninum í 10-15 mín.
Umsjón / Kristín Dröfn Einarsdóttir
Mynd / Heiða Helgadóttir
Stílisti / Ólöf Jakobína Ernudóttir