- Auglýsing -
Pastaréttir eru kærkomin tilbreyting eftir annasaman og oft matarþungan tíma sem að auki hefur létt verulega á buddunni. Hér er uppskrift að einföldu og fljótlegu sælkerapasta með gráðaosti, hráskinku og perum.
Tortellini með gráðaosti, hráskinku og perum
Fyrir 4
2 msk. olía
2 perur
500 g ferskt tortellini
100 g spínatblöð
125 g hráskinka
100 g gráðaostur
4 msk. jómfrúarolía
1-2 msk. hvítt balsamedik
nýmalaður pipar
Skerið perurnar í lauf og veltið þeim upp úr olíu. Steikið eða grillið þær þar til þær eru farnar að taka lit. Sjóðið tortellini eftir leiðbeiningum á pakkanum.
Raðið spínatblöðum, hráskinku, perum og pasta á fat eða diska. Myljið gráðaostinn yfir. Hellið jómfrúarolíu og balsamediki yfir réttinn og malið pipar yfir.
Umsjón / Sigríður Björk Bragadóttir
Myndir / Bragi Þór Jósepsson
Stílisti / Hanna Ingibjörg Arnarsdóttir