Þegar elda á fljótlegan rétt í miðri viku eru margir sem kippa með sér þurrkuðu pasta úr búðinni enda er auðvelt að elda það og pastað býður upp á nánast endalausa möguleika.
Fusilli með grænkálspestói
fyrir 2-3
300 g fusilli-pasta (skrúfur)
1 dl pístasíuhnetur eða pekanhnetur
1 vöndur grænkál
1 hvítlauksgeiri
rifinn börkur af 1 sítrónu
30 g parmesanostur, rifinn
½ msk. gróft sjávarsalt
1 dl ólífuolía
Sjóðið pastað í vel söltu vatni samkvæmt leiðbeiningum á pakkningu, athugið hvort það sé tilbúið 2-3 mín. áður en suðutími er liðinn. Búið til pestó á meðan pastað sýður. Ristið hneturnar á pönnu og setjið í skálina á matvinnsluvél.
Sjóðið grænkálið í 1 mín., snöggkælið það í köldu vatni og vindið vökvann úr. Setjið kálið í matvinnsluvél ásamt hvítlauk, sítrónubörk, parmesanosti og grófu sjávarsalti. Kveikið á vélinni og hellið ólífuolíunni út í. Slökkvið á vélinni og smakkið, bragðbætið með salti og pipar ef þarf.
Hellið vatninu frá pastanu en takið frá 1 bolla af pastavatni. Blandið pastanu saman við pestóið, bætið við pastavatni ef þarf til að pestóið loði við pastað.
Berið fram með parmesanosti og svörtum pipar.
Umsjón / Nanna Teitsdóttir
Stílisti / Hanna Ingibjörg Arnarsdóttir
Myndir / Hákon Davíð Björnsson