Franskur 75 með timjani
1 drykkur
Timjansíróp:
1 dl vatn
1 dl sykur
1 lítið handfylli af timjangreinum
Setjið allt hráefni í pott og náið upp suðu. Sjóðið þar til sykurinn leysist upp. Slökkvið undir pottinum og leyfið að standa í u.þ.b. 10 mínútur. Hellið sírópinu í gegnum síu ofan í ílát. Látið kólna alveg. Afgang af sírópinu má geyma inni í ísskáp.
30 ml gin
1 msk. nýkreistur sítrónusafi
1 msk. timjansíróp
ísmolar
1 lengja af sítrónuberki, til skrauts
1 timjangrein, til skrauts
Setjið gin, sítrónusafa og timjansíróp í kokteilhristara. Fyllið til hálfs með ísmolum og hristið þar til hristarinn verður kaldur viðkomu. Hellið vökvanum í gegnum síu ofan í kampavínsglas. Fyllið með freyðivíni eða kampavíni. Skreytið með sítrónuberki og timjangrein og berið fram.
Umsjón / Folda Guðlaugsdóttir og Nanna Teitsdóttir
Stílisti / Hanna Ingibjörg Arnarsdóttir
Mynd / Heiðdís Guðbjörg Gunnarsdóttir