- Auglýsing -
Gróf brauð sem innihalda gróft mjöl og næringarríkar hnetur og fræ eru frábær kostur. Hér kemur uppskrift að geggjuðu grófu brauði sem bakað er í pottjárnspotti.
Pottbrauð með hnetum og rúsínum
300 g hveiti
200 g heilhveiti
100 g gróft haframjöl
50 g rúsínur
50 g graskersfræ
50 g heslihnetur
1 msk. salt
½ tsk. þurrger
5-6 dl vatn við stofuhita
Blandið öllu saman í skál með sleif, setjið plastfilmu yfir og látið standa við stofuhita í sólarhring. Hitið ofn í 220°C, látið pottjárnspott eða leirpott hitna með ofninum. Mótið hleif úr deiginu og setjið aftur í skálina.
Setjið filmuna aftur yfir eða rakt viskustykki og látið brauðið lyfta sér í a.m.k. 30 mín., lengur ef tími er til. Takið pottinn úr ofninum og setjið brauðhleifinn varlega ofan í.
Bakið með lokinu á í 40 mín. takið það þá af og bakið brauðið áfram í u.þ.b. 30 mín.
- Auglýsing -
Umsjón/stílisti: Kristín Dröfn Einarsdóttir