Hollur og góður réttur sem svíkur engan.
Til að gera þennan bauna- og grænmetisrétt enn gómsætari notuðum við fjölbreytt krydd og höfðum réttinn fremur einfaldan og mælum með að nota tilbúnar baunir í dós eða krukku sem fást víða nú orðið og margir framleiðendur eru farnir að bjóða upp á gæðavörur á góðu verði. Rétturinn eru ætlaður sem aðalréttur en að sjálfsögðu má hugsa hann með öðrum mat líka. Hann hentar til dæmis vel sem forréttur.
Þess má geta að hann er trefjaríkur. Margar gerðir bauna eru afar trefjaríkar og það sama mætti segja um sumt grænmeti, en trefjar eru virkilega mikilvægar fyrir meltinguna og eitthvað sem margir Íslendingar mættu vera duglegri að neyta.
Kúrvítsrúllur með óreganí, grænkáli og osti
fyrir 4
370 ml tómatmauk, passata
2 hvítlauksgeirar, saxaðir
2 tsk. sjávarsalt
480 g kotasæla, ein stór dós
2 egg
handfylli ferskt óreganó, eða 3 tsk. þurrkað
3 stk. skalotlaukur, saxaður fínt
200 g grænkál, snöggsoðið
3 stk. kúrbítur, sneiddur langsum
rifinn mozzarella-ostur
Hitið ofninn í 200°C. Hrærið saman tómatmauki, hvítlauk, pipar og sjávarsalti og setjið í eldfast mót. Blandið kotasælu, eggjum, óreganó og skalotlauk saman í skál. Saxið grænkálið og blandið saman við ostablönduna. Sneiðið kúrbítinn langsum t.d. með mandolíni eða ostaskera. Smyrjið blöndu á hverja kúrbítssneið, rúllið upp og raðið í formið. Stráið rifnum osti yfir. Bakið í 25-30 mín.
Mynd / Hallur Karlsson
Stílisti / Hanna Ingibjörg Arnarsdóttir