Snilldarleið til að sporna við matarsóun.
Brauðrasp er auðvelt að gera heima og góð leið til að nýta brauðafganga. Þegar brauð byrjar að harðna er tilvalið að setja það í poka í frystinn í stað þess að henda því.
Þegar pokinn er fullur, takið þá brauðið og skerið gróft niður og setjið í matvinnsluvél á fullan kraft þar til brauðið er orðið að mylsnu.
Hitið ofn í 180°C. Setjið smjörpappír á ofnplötu og dreifið mylsnunni á pappírinn. Setjið í miðjan ofn í u.þ.b. 4-6 mínútur og hrærið í einu sinni þegar mylsnan hefur verið í ofninum í u.þ.b. 2-3 mínútur.
Látið kólna alveg á plötunni. Hægt er að geyma raspið í frysti í u.þ.b. 6 mánuði en það ætti að geymast við stofuhita í 2-3 vikur, fer svolítið eftir því hvernig brauð var notað.
Sjá einnig nokkrar uppskriftir sem innihalda brauðrasp:
Lax með möndlum og sítrónusafa
Geggjaðar avókadó-franskar sem klikka ekki
Sælkera perlubyggsbollur með grænmeti