Fiskisúpur er frábærar, hollar og næringarríkar og eitthvað svo óskaplega notalegar, hvort sem er á köldum vetrardegi eða bjartri sumarnótt. Hér kemur uppskrift að einni bragðgóðri.
Brasilísk fiskisúpa (Moqueca)
fyrir 4-6
2 msk. kókosolía
1 laukur, smátt saxaður
1 rauð paprika, smátt skorin
1 appelsínugul paprika, smátt skorin
1 jalapeno-pipar, smátt saxaður
2-3 hvítlauksgeirar, smátt saxaðir
1 ½ tsk. paprikuduft
½ tsk. cayenne-pipar
5 dl fiskisoð
500-600 g fiskur (t.d. þorskur, lax eða langa)
1 dós kókomjólk
1 límóna, börkur og safi
gróft sjávarsalt
nýmalaður svartur pipar
vorlaukur, smátt skorin til skrauts
fersk steinselja, smátt söxuð
Hitið olíu í potti og steikið lauk, papriku, jalapeno og hvítlauk í 5-10 mín. við meðalhita. Bætið kryddi saman við og steikið áfram í nokkrar mín.
Hellið soði út í og látið malla í 10 mín. Setjið þá fisk út í ásamt kókosmjólk og límónuberki. Látið sjóða varlega í 10 mín. eða þar til fiskurinn er eldaður í gegn. Braðgbætið með límónusafa, salti og pipar.
Skreytið gjarnan með vorlauk og steinselju. Berið fram með góðu brauði og jafnvel hrísgrjónum ef vill.
Umsjón/stílisti / Kristín Dröfn Einardóttir
Mynd / Hákon Davíð Björnsson