Dásamlegt trönuberjakonfekt í hollari kantinum.
Hollara konfekt með trönuberjum, pistasíuhnetum og hvítu súkkulaði
u.þ.b. 60 stk.
100 g mjúkar döðlur
½ dl hunang
3 msk. chia-fræ (má sleppa)
½ tsk. salt
1 ½ dl haframjöl eða múslí að eigin vali
1 dl pistasíuhnetur, gróft saxaðar
1 dl þurrkuð trönuber, gróft skorin
200 g hvítt súkkulaði
2-3 msk. trönuber til skrauts
Setjið döðlur, hunang, chia-fræ og salt saman í matvinnsluvél og maukið vel saman. Bætið haframjöli eða múslí út í ásamt pistasíuhnetum og trönuberjum og blandið vel.
Best er að nota fingurna til þess að kremja þetta vel saman. Setjið bökunarpappír í form sem er u.þ.b.17×26 cm og þrýstið deiginu vel ofan í formið. Látið í kæli á meðan súkkulaðið er brætt varlega yfir vatnsbaði.
Dreifið súkkulaðinu jafnt yfir og skreytið gjarnan með trönuberjum. Látið kólna þar til súkkulaðið hefur harðnað. Skerið í litla bita.
Eins mætti gjarnan saxa súkkulaðið smátt, blanda því saman við deigið og móta t.d. litlar kúlur.
Umsjón / Kristín Dröfn Einarsdóttir
Stílisti / Ólöf Jakobína Ernudóttir