Hollenskar pönnukökur eru þéttar og matarmiklar og má njóta hvenær sem er dagsins. Þær eru þó vinsælastar sem eftirréttur. Hægt er að skreyta þær. Til eru sérstakar Poffertjes-pönnur eða eplaskífupönnur sem eru tilvaldar til steikingar.
Hráefni
2 bollar hveiti/bókhveiti
2 stór egg
1½ tsk. lyftiduft
1/4 tsk. salt
1 bolli mjólk
1/2 bolli vatn
Aðferð
Blandið þurrefnunum saman í stóra skál.
Bætið við mjólk og vatni og blandið vel saman með þeytara eða í hrærivél. Skafið hliðarnar ef þarf.
Bætið eggjum saman við og blandið þar til deigið er slétt.
Hitið pönnu á miðlungshita með smjöri.
Hellið blöndunni – um það bil ein matskeið fyrir hverja pönnuköku.
Eldið í nokkrar mínútur, snúið svo við.
Pönnukökurnar eru tilbúnar þegar þær eru orðnar gullbrúnar og bústnar.
Takið af pönnunni og skreytið með áleggi t.d. hlynsírópi, flórsykri og ís yfir.
Berið fram strax.
Áleggshugmyndir
Hlynsíróp
Flórsykur
Nutella
Vanilluís
Beikon
Eggjahræra
Ostur
Smjör
Bláber
Jarðarber
Uppskriftin birtist í Vín og mat sem lesa má í heild sinni hér: