- Auglýsing -
Ólífur eru ómissandi í matargerð frá Miðjarðarhafinu en olían sem unnin er úr þeim er undirstöðuhráefni í allri matseld Miðjarðarhafsbúa. Hér er holl og góð uppskrift þar sem ólífur leika aðalhlutverkið.
Kjúklingabaunasalat með ólífum
fyrir 6-8
1 dós niðursoðnar kjúklingabaunir
1 pk. piccolo-tómatar eða kirsuberjatómatar
½ agúrka, fræhreinsuð og skorin í litla bita
½ rauð paprika, skorin í litla bita
2-3 vorlaukar, smátt saxaðir
hnefafylli steinselja, smátt söxuð
hnefafylli graslaukur, smátt saxaður
2-4 dl svartar ólífur, saxaðar
130 g fetaostur, mulinn gróft
Skolið kjúklingabaunirnar og látið renna vel af þeim. Blandið öllu saman og bætið salatsósunni saman við.
Salatsósa
1 dl jómfrúarólífuolía
safi úr 1 sítrónu
hnefafylli fersk basilíka, smátt söxuð
1 tsk. þurrkað óreganó
gróft sjávarsalt
nýmalaður svartur pipar
Blandið öllu saman.
- Auglýsing -
Umsjón / Kristín Dröfn Einarsdóttir
Myndir / Heiðdís Guðbjörg Gunnarsdóttir
Stílisti / Ólöf Jakobína Ernudóttir