Hvar áttu að geyma hvítlaukinn og hversu lengi endist hann?
Þú hefur eflaust velt því fyrir þér hversu lengi hvítlauksgeirarnir í ísskápnum endast. Þrátt fyrir að þeir virðist aldrei skemmast er það ekki svo. Geymsluþol hvítlauks, í heilu lagi, getur verið allt að sex mánuðir ef hann er geymdur á köldum, dimmum stað og því er eldhúsborðið líklegast ekki besti staðurinn fyrir hvítlauk. Hýðislaus hvítlauksgeiri endist í um það bil viku í ísskápnum og skorinn enn skemur eða í um tvo daga.
Þegar þú verslar hvítlauk skaltu ganga úr skugga um að hann sé ekki of þurr eða mjúkur. Ef hvítlaukurinn er með græna spíra er best að sleppa honum.
Hvernig á að geyma saxaðan hvítlauk?
Saxaður hvítlaukur getur skemmst fljótt, svo reyndu að nota hann upp eins fljótt og auðið er. Þú getur geymt saxaðan hvítlauk í ísskápnum í allt að tvo daga. Hægt er að hylja hvítlaukinn með ólífuolíu og lengja endingartímann um tvo til þrjá daga.