Jógúrthleifur með bláberjum og sítrónu
Hráefni:
Fyrir brauðhleif
1 1/2 bolli hveiti
2 tsk lyftiduft
1/2 tsk salt
1 bolli grísk jógúrt
1 bolli sykur
3 stór egg
2 matskeiðar sítrónubörkur
1 tsk vanilludropar
1/2 bolli jurtaolía
1 1/2 bolli bláber fersk eða frosin
1 msk alhliða hveiti
Fyrir sítrónusíróp
1/3 bolli sítrónusafi nýkreistur
1 matskeið sykur
Fyrir sítrónugljáa
1 bolli flórsykur
1/4 bolli sítrónusafi nýkreistur
1 tsk vanilludropar
(mjólk, ef þarf til að þynna út gljáann)
Aðferð:
1. Forhitaðu ofninn í 170 gráður. Smyrjið 8,5×4,5×2,5 tommu brauðform með smjöri og stráið svo yfir örlitlu hveiti.
2. Þeytið saman 1 1/2 bolla af hveiti, lyftidufti og salti í stórri skál og leggið til hliðar. Í annarri skál, þeytið saman jógúrt, sykur, egg, sítrónubörk, vanilludropum og jurtaolíu.
3.Bætið blautu hráefnunum við þurrefnin og þeytið þar til allt hefur blandast saman.
4. Blandið bláberjunum saman við 1 msk af hveiti í annarri lítilli skál. Þetta kemur í veg fyrir að bláberin sökkvi í botninn á brauðinu. Því næst blandið þið bláberjunum varlega saman við deigið.
5. Hellið deiginu í brauðformið og bakið í 50 mínútur eða þar til prjónn sem stungið er í miðju brauðsins kemur hreinn út. Ofnar eru mismunandi svo bökunartími gæti verið mislangur og því mikilvægt að fylgjast með.
6. Á meðan brauðið er að bakast býrðu til sítrónusírópið með því að sjóða saman sítrónusafann og 1 msk af sykri í litlum potti þar til sykurinn leysist upp og blandan verður glær. Leggið til hliðar.
7. Gerðu sítrónugljáann með því að þeyta flórsykur, sítrónusafa og vanilludropa. Þessi gljái þarf að vera frekar þunnur svo bætið við mjólk eftir þörfum (um einni msk í einu).
8. Þegar brauðhleifurinn er tilbúin skaltu taka hann úr ofninum og láta standa í forminu í um það bil 10 mínútur. Leggið brauðið á bökunargrind yfir bökunarplötu. Stingdu göt á brauðið með prjóni og helltu síðan sítrónusírópinu yfir. Leyfið því að kólna.
9. Þegar brauðið hefur kólnað er sítrónugljáanum hellt yfir, skorið í sneiðar og borið fram.