- Auglýsing -
Jólaleg og kósí stund verður í Norræna húsinu um helgina fyrir börn og fjölskyldur með upplestri, jólatónlist og veitingum.
Boðið verður upp á kaffi, djús og piparkökur, Eva Rún Þorgeirsdóttir les upp úr bók sinni Stúfur hættir að vera jólasveinn og skólahljómsveit Ábæjar og Breiðholts spilar jólalög sem hljómar dásamlega í eyrum ritstjórnar Gestgjafans. Hvað er betra en að slaka á með börnunum í fallegu og sögulegu húsi, með lágstemdum skemmtiatriðum og notalegum veitingum. Mögulega mun jólasveinninn einnig kíka í heimsókn. Viðburðurinn verður nánar tiltekið á laugardaginn, 7. desember, kl. 14-15.30 og ekki verra að það er ókeypis aðgangur.
Einnig má nefna að um helgina mun kokkasveit Nomy halda jóla-popup í Norræna húsinu. Endilega skoðið dagskrána á nordichouse.is.