Hamborgari er klassískur réttur sem oft er talinn til óhollustu en auðvelt er að gera einfalda, næringarríka og holla borgara úr skemmtilegum hráefnum sem gæla við bragðlaukana. Hér erum við með lax í aðalhlutveki og hollustan lekur af hverju strái.
Laxaborgari með wasabi og dillsósu
4 borgarar
300 g ferskur lax, roðflettur og beinhreinsaður
1 eggjarauða
2 msk. sojasósa
1 msk. límónusafi
börkur af einni límónu
1 tsk. rifið engifer
1/2 grænn chili-pipar, saxaður
brauðrasp ef þarf
salt og svartur pipar eftir smekk
100 g sesamfræ, til að hjúpa með
Saxið laxinn niður með hníf og setjið í skál. Blandið hinum hráefnunum saman við og mótið í fjögur buff. Ef ykkur finnst blandan vera of þunn má bæta örlitlu brauðraspi saman við. Sáldrið sesamfræjum yfir og steikið á miðlungshita í um það bil 2 ½ mínútu á hvorri hlið.
Dillsósa
hnefafylli dill, saxað
börkur og safi úr einni límónu
2 dl japanskt majónes
salt og svartur pipar eftir smekk
Hrærið allt saman.
Ofan á
klettasalat, wasabi, agúrkur og grænt epli
Meðlæti
Borið fram með villihrísgrjónum, sojasósu og pikluðu engifer
Umsjón / Gunnar Helgi Guðjónsson
Stílisti / Ólöf Jakobína Ernudóttir
Ljósmyndir / Ernir Eyjólfsson