Hér er skemmtilegt myndband af whisky sour með skemmtilegu tvisti.
Whiskey sour er klassískur kokteill sem er vinsæll víða um heim. Grunnhráefni sem notað er í drykkinn er, eins og nafnið gefur til kynna, viskí, sítrónusafi og eggjahvíta. Hægt er að blanda drykkinn án eggjahvítunnar en hún gerir hann fínlegri og áhugaverðari að okkar mati.
Whisky sour með eggjahvítu gengur líka undir nafninu Boston Sour og ef nokkrar barskeiðar af rauðvíni eru látnar fljóta ofan á eggjahvítunni er drykkurinn kallaður New York sour.
Til eru heimildir um drykkinn frá árinu 1860 en hann var þó til miklu fyrr því breskir sjómenn drukku whisky sour á siglingum sínum þar sem áfengi var oft öruggara en vatn.
Alltaf er gaman að leika sér með klassíska kokteila og gera eitthvað nýtt. Hér er skemmtilegt myndband af whisky sour með skemmtilegu tvisti.
Drykkur / Raùl Appollonio
Myndataka og klipping / Hallur Karlsson og Hákon Davíð Björnsson
Texti / Hanna Ingibjörg Arnarsdóttir