Vinsæl sætindi á grillið eru bananar með súkkulaði enda auðveldur og þægilegur eftirréttur sem hentar flestum en hægt að útbúa ýmislegt fleira einfalt og gott á grillinu. Við lékum okkur að því að grilla epli og gerðum „öðruvísi“ útgáfu af grilluðum banana og getum óhikað mælt með báðum réttum.
Eplasamlokur með mascarpone-osti og saltri karamellusósu
fyrir 8-10
4 pink lady-epli eða önnur gerð
2 ½ dl appelsínudjús
1 msk. fersk mynta, söxuð
2 msk. hunang
1 tsk. vanilludropar
½ tsk. engiferduft
¼ tsk. svartur pipar
mascarpone-ostur, 2 öskjur
Skerið hvert epli í 4-5 sneiðar, u.þ.b. 1 cm þykkar. Setjið eplasneiðarnar ásamt öllum innihaldsefnum nema ostinn í plastrennilásapoka og látið marinerast í ísskáp í 1-2 klst.
Takið sneiðarnar úr leginum og penslið þær með bráðnu smjöri eða olíu og grillið í nokkrar mínútur á báðum hliðum, eða þar til sneiðarnar hafa fengið dökkar grillrendur og hafa mýkst nokkuð.
Þetta tekur um 10-12 mín. við meðalhita. Látið sneiðarnar kólna. Hrærið 2 dl af kryddleginum saman við ostinn með písk. Búið til samlokur úr eplunum.
Setjið ostablöndu á milli og berið fram með karamellusósunni og skreytið með ferskri myntu.
Umsjón / Bergþóra Jónsdóttir
Stílisti / Hanna Ingibjörg Arnarsdóttir
Myndir / Heiðdís Guðbjörg Gunnarsdóttir