Þetta salat er fljótlegt og virkilega glæsilegt. Rauðrófurnar lita bleikjuna á skemmtilegan hátt með fjólubláum lit og radísurnar gefa salatinu fallegt yfirbragð. Sniðugt sem forréttur eða léttur aðalréttur.
Rauðrófusalat með reyktri bleikju
1 meðalstór rauðrófa
2-3 þykkar brauðsneiðar, skornar í grófa teninga
2 tsk. rifinn sítrónubörkur
2 msk. ólífuolía
1 tsk. salt
1 tsk. svartur pipar
6-7 radísur, sneiddar
200 g reykt bleikja, í sneiðum
nokkur salatblöð að eigin vali
2 msk. ferskt dill til skrauts
Sósa
1 dós sýrður rjómi, 18%
2 msk. ferskt dill, saxað
1 msk. eplaedik
1 msk. piparrót
½ tsk. salt
Hitið ofninn í 230°C. Pakkið rauðrófunni í álpappír og bakið í 25-30 mín. takið út og látið kólna, sneiðið. Blandið brauðteningum, sítrónuberki, ólífuolíu, salti og pipar saman. Dreifið á bökunarplötu og bakið í um 5 mín. og setjið til hliðar. Útbúið sósuna.
Setjið salatblöð á disk. Raðið rauðrófusneiðum, radísusneiðum og bleikjunni yfir salatið og
dreifið brauðteningunum yfir. Hellið örlítið af sósu yfir og skreytið með dilli, berið fram með
restinni af sósunni.
Umsjón/ Bergþóra Jónsdóttir
Stílisti/ Hanna Ingibjörg Arnarsdóttir
Mynd/ Hákon Davíð Björnsson