Nutella ostakaka
Þennan eftirrétt er mjög auðvelt að útbúa og tekur aðeins augnablik. Hér þarf ekkert að baka í ofni – Bara blanda saman, skella í kæli og njóta!
Hráefni:
Botn
12 oreo smákökur (muldar)
1 matskeið smjör (brætt)
Ostakaka
220 gr rjómaostur
⅔ bolli Nutella
250 ml rjómi (þeyttur)
Valfrjáls skreyting
½ bolli þeyttur rjómi
2 matskeiðar heslihnetur (saxaðar)
1 msk súkkulaði (saxað)
Aðferð:
1. Byrjaðu á að mylja Oreo smákökurnar – Settu þær í ziploc poka, lokaðu honum og notaðu kökukefli. Hrærið mulið Oreos saman við brædda smjörið og þrýstið í botninn á 4 eftirrétta skálum til að mynda botninn á kökunni.
2. Því næst er ostakakan – Blandið rjómaostinum og Nutella saman í hrærivél þar til blandan er orðin mjúk. Bætið næst þeytta rjómanum saman við og hrærið þar til engar hvítar rákir eru sjáanlegar og allt hefur blandast vel saman. Setjið rjómaostablönduna í sprautupoka eða ziploc poka og sprautið nutella-osta blöndunni jafnt í skálarnar. (Þú getur líka notað matskeið)
3. Geymið í kæli í nokkrar klukkustundir áður en það er borið fram. Ef þú vilt geturðu skreytt ostakökuna með þeyttum rjóma, söxuðum heslihnetum og súkkulaði.
Hér má lesa nýjasta tölublað Víns og matar