Grasker eru saðsöm eins og kartöflur, en lág í kolvetnum miðað við rótargrænmeti. Þau eru því tilvalin sem meðlæti þegar farið er á lágkolvetnamataræði. Á Íslandi er algengasta graskerið „butternut squash“ og er það fáanlegt í nær öllum matvöruverslunum.
Grasker er stórgott á bragðið og líkist helst sætum kartöflum í áferð og bragði.
Hráefni:
1 stk. butternut squash
Ólífuolía til steikingar
Hlynsíróp (sykurlaust)
1/2-1 tsk. kanill
Rósmarín
Salt eftir smekk
Aðferð:
Afhýðið graskerið [butternut squash] og skerið í teninga. Komið fyrir í stórri skál og bætið við ólífuolíu, hlynsírópi og kanil. Blandið hráefnunum saman og leggið síðan á bökunarplötu.
Dreifið jafnt úr graskerinu og forðist að teningarnir liggi hver ofan á öðrum.
Komið fyrir í ofni og bakið í 15 mínútur við 200 gráður.
Snúið graskersteningunum við með spaða. Bakið í aðrar 10-15 mínútur eða þar til þeir eru orðnir mjúkir.
Berið fram og njótið!
Uppskriftin er úr Víni og mat sem kom út á dögunum – Lesa má blaðið hér: